Andri Snær Magnason: Draumalandið - sjálfshjálparbók handa hræddri þjóð

• Main Author: Guðmundur Heiðar Frímannsson
• Format: Article
• Language: English
• Published: University of Iceland 2006-12-01
• Series: Stjórnmál og Stjórnsýsla
• Online Access: http://www.irpa.is/article/view/901

Ögurstundir eru sjaldgæfar og það er fágætt að rithöfundur gefi út bók sem hittir á tvær slíkar. Andri Snær Magnason gaf út snemma á þessu ári bókina Draumalandið sem fjallar um tvö mikilvæg málefni íslensks samfélags. Annars vegar tekur hann fyrir tengsl Íslands og bandarísks hers, hins vegar orku- og virkjanamál og þar með náttúruverndarmál almennt. Á þessu ári ákváðu bandarísk stjórnvöld að kalla heim herlið sitt frá Íslandi og frá og með 1. október 2006 er Ísland herlaust. Á árinu var lokið við Hálslón við Kárahnjúka og fram komu svo umfangsmiklar óskir um uppbyggingu stóriðju á Íslandi að ekki er víst að til sé orka í landinu til að byggja upp öll þessi stóriðjufyrirtæki. Það ætti kannski ekki að koma á óvart að bókin hafi selst vel, hún er vel skrifuð, hún er skemmtileg og hún hitti á þessa tvöföldu ögurstund. Það þýðir ekki að hún sé rétt í einu og öllu en það er vel þess virði að hugsa með höfundinum um viðfangsefni hans.