Интердискурзивните перформанси на книжевноста

• Main Author: Марија Ѓорѓиева Димова
• Format: Article
• Language: English
• Published: Ss. Cyril and Methodius University in Skopje, Blaže Koneski Faculty of Philology 2018-06-01
• Series: Journal of Contemporary Philology
• Subjects: конструктивизам; метафикција; историографска метафикција; онтолошка и епистемолошка доминанта
• Online Access: https://journals.ukim.mk/index.php/jcp/article/view/14/10

Текстот елаборира една варијанта на пресекот помеѓу интердискурзивните интерференции во книжевноста и интердисциплинарните вкрстувања во книжевната теорија, отелотворен во односот помеѓу наративната фикција и конструктивизмот, којшто интегрира две рамништа на афирмација: рамништето на артикулација на конструктивистичките принципи во наративните текстови и рамништето на толкување на тие текстови низ призма на конструктивистичките концепции. Елаборацијата на поимот конструктивизам се остварува на две рамништа. Прво, на теориско рамниште, преку прегледот на актуелните теориски концепции коишто дефинираат и опишуваат различни аспекти на конструктивизмот (теориите на Е. Глазерсфелд, Х. Фирстер, З. Шмит, Р. Бројер, Б. Мекхејл). Второ, на интерпретативно рамниште, преку толкувањето на романот Александар и смртта на Слободан Мицковиќ кое е во функција на аргументирање на појдовната теза дека историографската метафикција, како парадигматичен постмодернистички жанр, ги демонстрира двете димензии на констру-ктивизмот: како модус на артикулирање на интердискурзивните релации во романот и како интердисциплинарен херменевтички модел на толкување на романот.