په‌یوه‌ندیێن پارتى دیموكراتى كوردستان و حزبا شیوعى یا عیراقى د رَوژناما برایه‌تى دا 1 كانوونا دووێ 1974 - 7 تشرینا دووێ 1974

• Main Author: Mohammed A. Hamd
• Format: Article
• Language: Arabic
• Published: Universiy of Zakho 2016-12-01
• Series: گۆڤارا زانستێن مرۆڤایەتی یا زانكۆیا زاخۆ
• Subjects: پارتى دیموكراتى كوردستان; حزبا شیوعى; برایه‌تی; گریق الشعب
• Online Access: https://hjuoz.uoz.edu.krd/index.php/hum/article/view/244

رۆژناما برایه‌تى هه‌ر ل ژمارێن ده‌ستپێكێ هه‌تا یێن دووماهیێ گرنگى ب كومه‌كا كێشه‌ و ئاریشه‌یان ددا ، ئه‌وێن كه‌فتینه‌ به‌رسینگێ شوره‌شا كوردى ب سه‌ركردایه‌تیا (مه‌لا مسته‌فا بارزانى) ژوانان بو نموونه‌ : دژایه‌تیا حزبا شیوعى یا عیراقى هه‌مبه‌ر پارتى دیموكراتى كوردستان بتایبه‌ت ل ساڵا 1974 و دڤى ماوه‌یدا جێبه‌جێكرنا رێكه‌فتناما ئادار نیزیك ببوو كو ژڤانێ وێ 11 ئادار 1974 بوو، و حزبا شیوعى یا عیراقى ل په‌یداكرنا كێشه‌ و ئاریشه‌یان بۆ بزاڤا رزگاریخوازا كوردى دگه‌ریا، د ئه‌نجامدا ئه‌ندامێن ڤێ حزبێ گه‌له‌ك چالاكى و كریارێن نه‌ره‌وا دژى ئه‌ندامێن پارتى دیموكراتى كوردستان بتایبه‌ت ل ده‌ڤه‌را ده‌ربه‌ندیخان ئه‌نجام ددان، له‌ورا گرنگترین مژارا رۆژناما برایه‌تى دڤى ماوه‌یدا بخۆڤه‌گرتى ئه‌وژى مژارا په‌یوه‌ندیێن پارتى دیموكراتى كوردستان دگه‌ل حزبا شیوعى یا عیراقى بوو، و ئه‌ڤ مژاره‌ وه‌ك گرنگترین كێشه‌ ل هه‌مبه‌رى كوردان دڤى ماوه‌یدا دهێته‌ هژماردن، لڤێره‌ رۆژناما برایه‌تى سه‌باره‌ت ڤان په‌یوه‌ندیان و كار و چالاكیێن حزبا شیوعى یا عیراقى دژى ئه‌ندامێن پارتى دیموكراتى كوردستان چه‌ندین پرسیار دانان، ژوانان: بوچى حزبا شیوعى یا عیراقى ڤان كاران دژى بزاڤا رزگاریخوازا كوردى ئه‌نجام دده‌ت؟ بوچى هه‌ول دده‌ت مافێ كوردان یێ ره‌وا نه‌هێلیت و ژناڤ ببه‌ت ؟ بوچى رۆژناما "گریق الشعب" كو زمانحالێ حزبا شیوعى یا عیراقى دژایه‌تیا كوردان دكه‌ت و هێرش و پروپاگه‌ندان دژى بزاڤا رزگاریخوازا كوردى به‌ڵاڤ دكه‌ت ؟ دڤى بواریدا رۆژناما برایه‌تى دڤى ماوه‌یدا چه‌ندین پرسیارێن دى بخۆڤه‌دگریت، و ئه‌ڤ ڤه‌كولینه‌ هه‌ولدده‌ت به‌رسڤا ڤان پرسیاران بده‌ت، بتایبه‌ت برێكا دیاركرنا نه‌رازیبوونێن گه‌له‌ك چین و ته‌خێن گه‌لێ كورد ل باشوورێ كوردستانێ دژى ڤان كریارێن حزبا شیوعى یا عیراقى، ژ گرنگترین كه‌س و لایه‌نێن نه‌رازیبوونێن خۆ دژى چالاكى و كریارێن حزبا شیوعى یا عیراقى دیاركرین، ئه‌وژى: مه‌كته‌با سیاسى یا پارتى دیموكراتى كوردستان، ماموستا ، قوتابى، نڤیسه‌رێن كورد و ره‌وشه‌نبیر، لاوێن كورد, رێكخراو و لیژنێن ناوچان، ئافره‌تێن كوردستان، كرێكار و موچه‌ خۆر، خه‌لكێ باژێر و ده‌ڤه‌رێن كوردى ب باشوورێ كوردستانێ بوون.