Редефинирање на културната меморија на националниот идентитет - а бре, Македонче vs Űber Macedonische

• Main Author: Наташа Илиевска-Таневски
• Format: Article
• Language: English
• Published: MI-AN Publishing 2014-11-01
• Series: Kultura (Skopje)
• Subjects: идентитет, медиуми, културна меморија, редефинирање, Скопје 2014
• Online Access: http://journals.cultcenter.net/index.php/culture/article/view/86
• ISSN: 1857-7717; 1857-7725

<p class="IEEEAbtract">Македонскиот национален идентитет во моментов доживува реконструирање на неговите карактеристики. Промовирањето на концептот „Űber Makedonische“, а напуштање на концептот „А бре, Македонче“, е еден од основните приоритети на владејачката десничарска структура (особено кога националниот идентитет, заради проблемот со име­то на државата, е најзначајното национално пра­ша­ње). Тој се спроведува преку сите ИДА, а најтранс­па­рентно преку медиумите. Целта е: подигање на ма­ке­дон­ската национална свест, зацврстување на чув­ството за припадност и на историскиот континуитет, гордост, успех, зацврстување на чувството на само­почит, а напуштање на стереотипот за македонска инфериорност, комплексот „на пониска вредност“, потчинетост и понизност во балкански и европски контекст. Процесот на редефинирање на културната меморија на еден национален ентитет, најголемите ефекти се очекува да ги има можеби не сега веднаш – иако после­диците веќе се чувствуваат, туку во модели­рањето на културната меморија кај младите. Текстот има за цел да ги испита начините и методите на медиумите со кои се врши реконструкција на некои карактеристики на националниот идентитет, а со тоа редефинирање на културната меморија.</p>