An nua-aoiseachas liteartha agus filíocht Phádraig Mhic Fhearghusa

• Main Author: Liam Mac Amhlaigh
• Format: Article
• Language: Irish
• Published: Comhar Teoranta 2020-11-01
• Series: COMHARTaighde
• Subjects: filíocht nua-aoiseach na gaeilge; tras-nua-aoiseachas; dénua-aoiseachas; pádraig mac fhearghusa; critic liteartha; irish-language modernist poetry; transmodernism; bimodernism; literary criticism
• Online Access: https://comhartaighde.ie/eagrain/6/macamhlaigh/

Tá dhá chuspóir leis an alt seo: cur leis an mbeagán critice foilsithe ar shaothar an fhile Pádraig Mac Fhearghusa le cúiteamh éigin a thabhairt ar an bhfaillí shuntasach i gcritic na Gaeilge a fhágann a scothshaothar seo gan an anailís agus an ceiliúradh atá tuillte aige; agus brí a bhaint as tionchar an nua-aoiseachais liteartha, agus an tras-nua-aoiseachais go háirithe, le saothar Mhic Fhearghusa a thabhairt chun comhthéacs leis an gcritic liteartha sin. Tugtar faoin dá chuspóir seo ag cuimhneamh ar an oidhreacht shaibhir i ndioscúrsa na critice liteartha atá curtha ar fáil go dtí seo ag an Ollamh Máire Ní Annracháin ar léann nualitríochtaí Ghaeilge na hÉireann agus na hAlban le daichead bliain anuas.