زاخۆ 11 ى ئادارا 1970 – 6 ئادارا 1975ێ ڤه‌كۆلینه‌كا مێژوویى - سیاسیه‌

• Main Author: Rojin Ch. Monir
• Format: Article
• Language: Arabic
• Published: Universiy of Zakho 2017-06-01
• Series: گۆڤارا زانستێن مرۆڤایەتی یا زانكۆیا زاخۆ
• Subjects: ده‌ڤه‌را زاخۆ; شه‌ڕێ گه‌لیێ زاخۆ; حكوومه‌تا عێراقێ; هێزا زاخۆ
• Online Access: https://hjuoz.uoz.edu.krd/index.php/hum/article/view/325
• ISSN: 2664-4673; 2664-4681

ده‌ڤه‌را زاخۆ د ماوێ د ناڤبه‌را 11 ئادارا 1970 - 6 ئادارا 1975 ێ دا چه‌ندین ڕوودانێن گرنگ و كاریگه‌ر د مێژوویا باژێڕى و كوردستانێدا ب شێوه‌یه‌كى گشتى په‌یدا دبن، ئه‌ڤ ڕوودانه‌ لایه‌نێن سیاسی و ئابوورى و جڤاكى بخۆڤه‌ دگرن. له‌وڕا ئه‌ڤ ڤه‌كۆلینه‌ لژێر ناڤونیشانێن ( زاخۆ 11 ئادارا 1970 یێ – 6 ئادار 1975 ێ) هاتیه‌ بناڤكرن و تێدا ڤه‌كۆلین لسه‌ر گرنگترین ڕوودانێن باژێڕى هاتیه‌كرن. ئه‌ڤ ڤه‌كۆلینه‌ ژ سێ ته‌وه‌ران پێكدهێت. د ته‌وه‌رێ ئێكێدا باسێ ماوێ د ناڤبه‌را 11 ى ئادارا 1970 ێ هه‌تا سالا 1974 ێ هاتیه‌كرن، چونكه‌ د ڤى ماوه‌یدا ئێمناهی، ئاسایش ئازادیه‌كا مه‌زن د باژێڕیدا هه‌بوو، گرنگیدان ل سه‌ر هه‌لویستێن خه‌لكێ باژێڕى ژ ڕێككه‌ڤتنناما 11 ى ئادارا 1970 ێ، سه‌ره‌دانا ئیدریس بارزانى بۆ باژێڕى و بزاڤا كوشتنا سه‌روكێ پارتى دیموكراتى كوردستان مه‌لا مسته‌فا بارزانى و هه‌لویستێ خه‌لكێ باژێڕى ژ كوشتنا قایمه‌قامێ قه‌زا شنگالێ هاتیه‌كرن. د ته‌وه‌رێ دوویێدا؛ باسێ ده‌ستپێكرنا شه‌رێ د ناڤبه‌را حكوومه‌تا عێراقێ و سه‌ركردایه‌تیا شۆڕه‌شا كوردى ل سالا 1974 ێ، ب تایبه‌ت پشتى شه‌ڕێ (گه‌لیێ زاخۆ)، ئه‌ڤ شه‌ڕه‌ بوویه‌ ئه‌گه‌رێ كوچكرنا خه‌لكێ باژێڕى بۆ گوند و ده‌ڤه‌رێن چیایى و كوچكرنا هنده‌كێن دی بۆ ئیران، توركیا ، سووریا ، ده‌وله‌تێن ئه‌وڕوپى و ژ ترسێن ده‌زگه‌هین ئه‌منى یێن حكوومى دڕه‌ڤین. د ته‌وه‌رێ سێیێدا باسێ گرنگترین ڕێكخستنێن سیاسی و له‌شكه‌رى ل ده‌ڤه‌را زاخۆ هاتیه‌كرن، ب تایبه‌تى ڕێكخستنێن پارتى دیموكراتى كوردستان و پارتا كۆمۆنیستا عێراقێ.