به‌رجه‌سته‌بوونا ڕه‌هه‌ندێن كاره‌كته‌رێ دڕاماتیكى د داستانا "شێخێ سه‌نعان" یا (فه‌قیێ ته‌یران) دا

• Main Authors: Shivan Q. Hassan, Abdullah A. Khalid (Agren)
• Format: Article
• Language: Arabic
• Published: Universiy of Zakho 2018-03-01
• Series: گۆڤارا زانستێن مرۆڤایەتی یا زانكۆیا زاخۆ
• Subjects: شێخێ سه‌نعان; كاره‌كته‌رێ دڕاماتیكى; جورێن كاره‌كته‌رى; ڕه‌هه‌ندێن سروشتى; جڤاكى و ده‌روونى
• Online Access: https://hjuoz.uoz.edu.krd/index.php/hum/article/view/278
• ISSN: 2664-4673; 2664-4681

داستانا "شێخێ سه‌نعان" یا (فه‌قیێ ته‌یران)، ئێكه‌ ژ داستانێن به‌رنیاس و خودان باندۆرێن ئه‌ده‌بیاتا كه‌ڤنا كوردى. ژ به‌ر سروشتێ دڕاماتیكیێ وێ، د شیاندا هه‌یه‌ كو لێكۆلینێن جوره‌ به‌ جورێن ب توخم و ته‌كنیكێن درامایێڤه‌ لسه‌ر بهێنه‌ ئه‌نجامدان. هه‌لبه‌ت پشتى توخمێ ده‌قى، توخمێ كاره‌كته‌رـى ب گرنگترین توخمێ بنیاتنه‌رێ درامایێ دهێته‌ هه‌ژمارتن. كاره‌كته‌ر وه‌كو هه‌لسۆرێنه‌رێ ده‌ق و پرۆسه‌یا نواندنا درامایێ دهێته‌ ل قه‌له‌مدان؛ چونكى بێى هه‌بوونا وى د ناڤا ده‌ق و پرۆسێسا دراماییدا، چ دیالۆگ، مۆنۆلۆگ، ڕویدان، ململانێ، گرێ و... هتد نابن. كه‌واته‌ ئه‌م دكارین بێژین كو بێى هه‌بوونا توخمێ كاره‌كته‌رى دڕاماتیكى، درامایه‌كا بێ دیالۆگ و بێ ڕویدان و ململانێ، ده‌رئه‌نجامێ وێ دێ درامایه‌كا مرى و بێ گیان بیت. كاره‌كته‌رێ دڕاماتیكى ب شێوه‌یه‌كێ گشتى، ل دویڤ كاریگه‌ریا خۆ دابه‌شى سه‌ر دوو جورێن سه‌ره‌كیێن (ساده‌ و ئاڵۆز) دبیت. ئه‌ڤ هه‌ر دوو جوره‌ ژى ـــ ب تایبه‌تى یێ ئاڵۆز ـــ سێ ڕه‌هه‌ندێن سه‌ره‌كى د هه‌ر ده‌قه‌كێ دراماییدا بخۆڤه‌ دگرن، كو ئه‌و ژى ڕه‌هه‌ندێن سروشتى، جڤاكى و ده‌روونینه‌. ژ ڤان هه‌ر سێ ڕه‌هه‌ندان ژى، ڕه‌هه‌ندێ ده‌روونى بهێزترین و خودان باندۆرترین ڕه‌هه‌ندێ كاره‌كته‌رێ دڕاماتیكیه‌. هه‌ر ژ به‌ر هه‌بوون و به‌رجه‌سته‌بوونا ڤان هه‌ر سێ ڕهه‌هه‌ندێن كاره‌كته‌رێ دڕاماتیكى د ڤێ داستانێدا، مه‌ ئه‌و وه‌كو كه‌ره‌ستێ خاڤێ ڤێ لێكۆلینا خۆ لژێر ناڤونیشانێ (به‌رجه‌سته‌بوونا ڕه‌هه‌ندێن كاره‌كته‌رێ دڕاماتیكى د داستانا "شێخێ سه‌نعان" یا (فه‌قیێ ته‌یران) دا) هه‌لبژارتیه‌. و ل به‌رده‌وامیا لێكۆلینكرنا ڤێ داستانێ ژى، ڕاده‌یێ به‌رجه‌سته‌بوونا ڤان هه‌ر سێ جورێن ڕه‌هه‌ندێن كاره‌كته‌رێ دڕاماتیكى، مه‌ پراكتیزه‌ كریه‌ و ده‌رخستیه‌